Të gjithëve na bien në sy makinat luksoze që qarkullojnë buzë detit apo liqenit.
Xhamat e zinj, muzika në fund dhe kjo mjafton për të bërë pak zhurmë dhe qejf.
Por kjo familje nga Karavastaja e Re ka zgjedhur një mënyrë ndryshe transporti, e cila ka tërhequr vëmendjen e të gjithëve.
Familja prej 10 anëtarësh, ka disa vite që shkon në plazh me zetor.
Për t’i mundësuar vetes kushtet e nevojshme ata marrin me vete dyshekë, çarçafë dhe ushqime.
Thuajse çdo fundjavë ata udhëtojnë drejt Divjakës në plazhin e njohur me emrin Adriatik, i cili vizitohet vetëm nga banorët e afërt.
Këta banorë shprehen se në këtë vend gjejnë qetësinë, ushqimin e mirë dhe detin e jodizuar. Gjithçka të mirë që ju duhet për disa ditë pushimi.
