Para një jave, Afërdita Dreshaj zbuloi përmes një postimi në Instagram se do të bëhej nënë për herë të parë. Së bashku me partnerin, Jakub, ajo tregoi dhe gjininë e fëmijës, duke zbuluar se do të bëhen prindër të një djali.
“Do të bëhemi me djalë! Vogëlushi Kindl po vjen, mars 2021”, shkroi Dreshaj.
https://www.instagram.com/p/CF9-5hOp-ZT/
Së fundmi në një bashkëbisedim me ndjekësit, bukuroshja shqiptare ka zbuluar të gjithë detajet e kësaj eksperience, që nga momenti kur i dha lajmin Jakub e deri tek idetë për emrin e vogëlushit që po presin. Afërdita ka treguar se çifti e kanë pasur në plan një fëmijë, por Jakub nuk mund ta besonte në momentin që ajo i dha lajmin.
“Po, e kishim në plan dhe ndodhi menjëherë, prandaj nuk mund ta besonim dhe ishim shumë të lumtur”, ka treguar Afërdita.
Ndërsa kur u pyet se si reagoi Jakub pas lajmit të shtatzënisë, ajo tha: “Ai nuk mund ta besonte! Unë po bërtisja dhe i tregova atij testin, ai tha: ‘Nuk të besoj’, derisa doktori tha PO”.
Afërdita shprehet se deri më tani ata nuk kanë asnjë ide për emrin e djalit dhe se beson kjo do të jetë zgjedhja më e vështirë. Kjo shtatzëni për të deri më tani duket se ka qenë mjaft e mbarë, sepse ajo ka treguar se nuk ka pasur asnjë lloj shqetësimi.
Afërdita ka zbuluar se është në muajin e pestë të shtatzënisë dhe ndjekësit kanë mbetur të habitur nga fakti që deri më tani nuk i dallohet fare barku. Ajo planifikon të bëjë lindje natyrale dhe ka treguar se deri më sot nuk e ka ndalur palestrën për shkak të shtatzënisë, sigurisht me miratimin e mjekut.
