Rreth dy muaj më parë Filloreta Raçi e njohur si Fifi u bë nënë për herë të parë. Artistja solli në jetë djalin e saj të cilin e ka quajtur Theo Mal.
Së fundmi në një bisedë virtuale në Instagram një ndjekës/e e ka pyetur pse ka zgjedhur pikërisht këtë emër për foshnjën e saj.
Më tej Fifi ka shpjeguar: Theo-nga latinishtja e vjetër do të thotë Zot. Mal-nofka e xhaxhait të ndjerë të Adisit. Dhe kur e lidha Theo Mal e përktheva si “Zot i Maleve”.
Një tjetër pyetje që i është bërë këngëtares ka qenë në lidhje me procesin e saj të lindjes, nëse ishte natyral apo një lindje çezariane. Fifi tregoi se ka bërë një lindje natyrale, duke shtuar: “Lindje natyrale, absolutisht. Edhe pse ishte dhimbja më e tmerrshme që ekziston, atë ditë kuptova pse thonë inshallah shpëton nëna dhe fëmija.”
Kujtojmë që partneri i Fifit, Adisi ka edhe një djalë nga marrëdhënia e mëparshme me modelen Adrola Dushi.
