Mbrëmjen e sotme, grupi dikur shumë i famshëm dhe i preferuar nga publiku shqiptar, 2die4, ishin të ftuar në emisionin “Soiree” me Jonida Shehun.
Djemtë e grupit 2die4 ishin ndër të parët që sollën muzikën “Hip Hop” në Shqipëri, me tekste që tregonin realitetin në vendin tonë.
Të pyetur nga moderatorja se ç’mendim kanë për reperët e rinj dhe muzikën që bëjnë, Niku Malo u shpreh se ata nuk japin asnjë mesazh.
“Nuk i kuptoj se çfarë thonë njëherë. Mua nuk më japin mesazh, por muzikë të bukur bëjnë”
Më tej ai është pyetur nga Jonida Shehu se çfarë mendimi ka për Taynën dhe a është e preferuara e tij, duke qenë se është një ndër artistet më të përfolura dhe të komentuara sot.
“Jo, jo”, është shprehur ai, i cili ka këmbëngulur sërish që nuk jep mesazhin e duhur nëpërmjet këngëve.
Ndërkohë Bledar Papathemiu u shpreh se reperët më të mirë për momentin përsa i përket muzikës komerciale janë Noizy, Ledri Vula dhe Capital T.
Më tej, “2die4” treguan se asokohe kishin një lloj “konflikti” me grupin “West Side Family”.
“Më kujtohet grupi West Side Family në atë kohë në vitet 99’-2000. Nuk kemi patur konflikt direkt, por në një festival ne në atë kohë nuk na ftuan, ata I ftuan. Lindi dashur pa dashur një lloj xhelozie. Unë më vonë jam shoqëruar, i kam takuar dhe kam respekt për çunat, sidomos për Dr.Florin, shpirti iu prehtë në paqe.”- u shpreh reperi.
