Moderatorja e njohur, Dojna Mema e ka gjetur sërish kohën për të folur me ndjekësit e saj dhe i është përgjigjur disa pyetjeve për veten. Këtë herë dikush e ka pyetur për pasiguritë e saj gjatë adoleshencës. Moderatorja e tregon hapur se kompleks i saj më i madh ka qenë gjatësia dhe imtësia, por si duket një djalë me të cilin ajo dilte ja doli t’ia hiqte këto mendime.
“Gjatësia dhe imtësia. Ndihesha aq e vockël në një kohe kur shoqet e mia dukeshin të rritura. Fillova të mbaja taka, derisa fillova të dilja me një çun 1.98, të cilit i pëlqeja shumë më shumë me atlete dhe thjeshtë. Se vrava më mendjen dhe filloi të më dukej vetja super yll. Morali: Nëse nuk arrin t’i tejkalosh vetë pasiguritë, rrethohu nga njerëz që të bëjnë të ndihesh mirë dhe shohin më të bukurën tek ti”, tregon Dojna.
Nëse nuk i tejkalon vetë pasiguritë, rrethohu nga njerëz që shohin më të bukurën tek ti.
Dojna ja doli përsëri të japë një këshillë super të nevojshme e sidomos në këto kohëra kur adoleshentët sa vjen e kanë më shumë pasiguri me veten.
Morali i kësaj historie të shkurtër vlen për shumë vajza e djem në moshë të re, ndaj dëgjojani këshillën Dojnës se nuk e ka keq.
