Rikthimi i saj pas gati 10 viteve në MTV Video Music Awards bëri bujë të madhe. Britney Spears, këngëtarja e shumë pëlqyer ka qenë një nga emrat më të përfolur, sa i përket mbrëmjes gala të ndarjes së çmimeve.
Performanca e saj u mirëprit jashtëzakonisht mirë nga publiku, e veçanërisht nga fansat e saj, por 34-vjeçarja ka habitur menjëherë të nesërmen, teksa nga një yll elegant i MTV është shndërruar, në një vajzë të thjeshtë e cila shëtit rrugëve të New York-ut për të blerë akullore.
Britney u shqua edhe për veshjen e saj elegante në tapetin e kuq, e cila edhe pse nuk arriti të futet në top 10 veshjet më të mira, përsëri nxori në pah mjaft mirë sharmin e saj femëror.
