Nga nesër do të nisë shpërndarja e shpërblimit të festave të fundvitit për pensionistët prej 50 dollarësh, të miratuar tre ditë më parë nga qeveria.
Pagesa do të bëhet nga Instituti i Sigurimeve Shoqërore në bashkëpunim me Postën Shqiptare.
Instituti i Sigurimeve Shoqërore sqaron se për të për të realizuar në kohë dhe me korrektësi dhënien e këtij shpërblimi deri në datën 29 dhjetor do të punohet me orar të zgjatur nga ora 7:30 e mëngjesit deri në orën 20:00 të mbrëmjes.
“Çdo ditë deri në orën 14:00 do të realizohet pagimi i pensionit dhe shpërblimi për ata pensionistë që kanë datën e tërheqjes së pensionit dhe pas kësaj ore do të paguhet shpërblimi për pensionistët që e kanë tërhequr pensionin para kësaj date sipas grafikut të mëposhtëm”, thuhet një njoftimin e ISSH.
Ndërkohë pensionistët që e tërheqin pensionin pranë bankave të nivelit të dytë, në datën e pagesës së pensionit 20.12.2018, do ju transferohet edhe masa e shpërblimit.
Për pensionistët qe e tërheqin pensionin në zyrat postare në fshatra, shpërblimi do të paguhet sipas datave të pagesës së pensioneve, duke filluar nga data 18 dhjetor e në vazhdim.
ISSH thotë se ata që nuk do të mund ta tërheqin këtë shpërblim deri më 29 dhjetor do të mund ta marrin atë bashkë me tërheqjen e pensionit në janar e në vazhdim.
