Autoriteti i Komunikimeve Elektronike dhe Postare ka kërkuar zyrtarisht mbylljen e aksesit të platformës së TikTok nga nesër (13 mars) për një periudhë 12-mujore.
Vendim ky i cili ka shkaktuar shqetësim tek shumë biznese dhe influencerë, të cilët e përdornin këtë platformë për të shpërndarë përmbajtje dhe për të krijuar të ardhura.
Por megjithatë, ata që përdorin TikTok duket se kanë gjetur një alternativë: aplikacionin Clapper.
Ky është një platformë e ngjashme me TikTok, që ofron mundësinë për krijimin dhe shpërndarjen e videove të shkurtra. Clapper është zhvilluar nga Clapper Media Group, një kompani amerikane e themeluar në vitin 2020 nga Edison Chen.
Aplikacioni lejon përdoruesit të shprehen krijueshëm dhe ndihmon në ndërtimin e komunitetit përmes videove të ndryshme, duke ofruar mundësi redaktimi, efekte vizuale dhe filtra.
Një tjetër alternativë është edhe aplikacioni Lemon8 që ka fituar popullaritet, dhe është shumë i ngjashëm me TikTok në disa aspekte, por gjithashtu ka disa veçori që e bëjnë të veçantë. Si TikTok, Lemon8 lejon përdoruesit të krijojnë dhe shpërndajnë përmbajtje video dhe foto të shkurtra.
Po ju kë do përdorni?
