Nga nesër do të hiqen kufizimet e lëvizjes ndërqytetase dhe do të nisë plazhi!
Ministrja e Shëndetësisë Ogerta Manastirliu ka publikuar planin e masave lehtësuese nga 1 qershori, duke i rikujtuar të gjithë për heqjen e kufizimeve. Ajo bën thirrje që të rritet vetëndërgjegjësimi dhe të mos ulet vigjilenca ndaj virusit i cili vijon të jetë aktiv në vendin tonë:
“Ja çfarë do të hapet nga data 1 Qershor?Hiqen kufizimet e lëvizjes në çdo zonë por kërkohet vetëndërgjegjësim për të mos e ulur vigjilencën, për të zbatuar distancimin social ↔️ dhe për të ruajtur higjienën vetjake?”, shprehet ministrja.
Kështu nga nesër:
Hiqen kufizimet e orareve për qytetarët dhe bizneset në të gjithë vendin
Hapen kufijtë tokësorë, pa detyrim vetëkarantinimi, përveç rasteve kur vendoset nga autoritetet shëndetësore
Hapen plazhet vetëm për strukturat akomoduese. Ndërsa me 6 qershor hapen plazhet për të gjithë qytetarët.
Hapen kopshtet dhe çerdhet
Hapen, parqet, këndet e lojërave, palestrat, qendrat e interentit.
Hapet kampjonati, i futbollit, pa spektatorë.
Hapen kurset profesionale, edukative, argëtuese, konkurset e punësimit.
