Të gjithë dallohemi nga kultura! Por nga ndryshon sjellja e një shqiptari dhe një italiani kur ulen në një lokal? Në fakt italianët njihen paksa për karakterin e tyre dorështrënguar, ndërsa meshkujt shqiptarë kur flitet për të qerasur një vajzë nuk lejnë ndonjëherë radhë.
Një video e publikuar në “Youtube”, tregon ndryshimet në sjelljeve mes dy kulturave ku improvizojnë dy të rinj. Të parët që shfaqen në video, janë dy të rinj “italianë”, një djalë dhe një vajzë që si përfundim vendosin t’i ndajnë bashkë shpenzimet për ato që kanë porositur.
Më pas shfaqet i njëjti çift, por djali këtë herë imiton sjelljen e një shqiptari. “Përse porosite makiato? Merr ndonjë “Mohito” i thotë djali, vajzës.
Në momentin kur djali merr faturën për të paguar, gati zihet me vajzën e cila kërkon të paguajë, ndërsa nuk kursen as bakshishin. “Mos ja jep më kurrë asaj”, i drejtohet ai kamerierit.
Ndryshimi dallohet edhe në veshje, ku ajo që bie në sy tek djali që imiton një shqiptar janë varëset e trasha floriri, si një shenjë për të treguar pasurinë.
