Nga Mariana Kondi te Rezart Veleshnja, aktorët e filmit “2 gisht mjaltë” tregojnë sa u paguan

Ermal Mamaqi tregoi një ditë më parë se filmi “2 gisht mjaltë” kushtoi 250 mijë euro, pa përfshirë pagat e aktorëve.

Bujar Asqeriu, Koço Devole, Mariana Kondi, Natasha Sela, Ervin Bejleri, Rezart Veleshnja, Eglein Laknori, Margent Çaushi dhe Ervin Doko janë vetëm disa nga aktorët që shfaqen në film, të cilët gjithashtu ishin sonte në emisionin “Xing me Ermalin”.

Lexo edhe :

Gjermania tejkalon Kinën, bëhet eksportuesja e katërt më e madhe e armëve në botë

13:36 14/03/26

Tayna i del në mbrojtje Gjestit: Kur djersa jote nuk respektohet, dhimbja bëhet revolt

13:20 14/03/26

Ndërsa i gjithë emisioni u organizua në formë humori, Rezart Veleshnja bëri shpesh deklarata se nuk ishte paguar.

Por më pas aktori i humorit tregoi se, ishte paguar vetëm 200 euro dhe madje i kishin hequr 4 skena nga filmi.

Pas deklaratës së tij reagoi Mariana, e cila zbuloi se ishte paguar më pak: “Po ne që kemi marrë 50 euro?”, ndërsa pas saj Asqeriu shtoi se të gjithë janë paguar vetëm aq.

Dhe për ta vijuar batutën reagoi edhe Ervin Bejleri: “Po pse, unë paskam qenë më i paguari?”.

I gjithë debati u shoqërua me të qeshura, për të theksuar se asnjë prej deklaratave nuk ishte e vërtetë.