Kush e dinte se Rihanna ishte një fanse e “Star Trek”?
Këngëtarja 28-vjeçare publikoi imazhet e para të bashkëpunimit të saj për syzet e diellit e Dior.
Ajo bashkoi forcat me markën luksoze franceze për herë të dytë për të dizajnuar një koleksion të ri futurist i quajtur thjesht Rihanna, i cili është inspiruar nga karakteri i LeVar Burton, Geordi La Forge, në filmin Star Trek: The Next Generation.
Bukuroshja nga Barbadosi u shpreh: “Unë kam qenë gjithmonë e fiksuar me syzet e tij dhe kur ika te Dior dhe pash të gjitha materialet me të cilat mund të luaja, erdhi e gjitha bashkë. Procesi ishte mjaft i qetë. Kalova një ditë te Dior me ekipin e dizajnuesve të tyre të syzeve. Nisa duke parë të gjitha arkivat se çfarë kanë bërë në të kaluarën, më pas u bë e njohur me të gjitha materialet e reja. Ne zgjodhëm materialet dhe ngjyrat në të njejtën ditë dhe pas asaj ishte thjesht çështje jave, para se të shikoja prototipin e parë”.
Ky është bashkëpunimi i parë i këngëtares me markën, pasi më parë ajo vetëm ka marrë pjesë në fushatën “Secret Garden IV”.
Syzet vijnë me gjashtë ngjyra përfshirë argjendi, rozë, blu, jeshile dhe të kuqe me një vlerë prej 840 dollarë. Më pas do të gjenden edhe varianti me flori 24 karat me një vlerë prej 1,950 dollarë, të cilat do të jenë në dispozicion ekskluzivisht në dyqanet e Dior muajin e ardhshëm.
Burimi: Daily Mail
