Arbana Osmani ka marrë përsipër t’u përgjigjet të gjitha pyetjeve në Instagram, që i vijnë nga ndjekës kureshtarë.
Moderatorja e njohur ka dhënë lajmin e madh se programi i saj “Dua të të bëj të lumtur”, nis sezonin e ri në janar, ndërsa në shtator ajo pret të gjitha historitë e personave që duan të bëhen pjesë e këtij formati.
Ndërkohë, sa i përket pyetjes më të madhe se kur fillon Big Brother, Arbana u shpreh se ende nuk ka një datë, por do të na i tregojë sapo ta mësojë.
Ajo foli edhe për ikjen e Xhemi Shehut nga Top Channel dhe duket se e konfirmoi largimin e papritur.
“Po, kjo që thotë që ka ikur nga Top-i, por sipas meje ka ikur nga trutë”, ka shkruar Osmani krah fotos me mikeshën e saj, të cilat kanë pozuar në ambientet e Top Channel.
Arbana është në pritje të ëmbël dhe gjatë kësaj periudhe ka qenë mjaft aktive në Instagram, me recetat e saj fantastike dhe duke ndarë eksperienca nga pritja e ëmbël.
