Aktori i njohur i filmit “Vrasje të vogla”, Mert Fira së shpejti do të bëhet baba për herë të parë.
Bashkëshortja e tij, Idil është në pritje të fëmijës së tyre të parë dhe ky lajm e ka gëzuar shumë çiftin.
Nëpërmjet një postimi në rrjetet sociale, Mert ka ndarë me të gjithë lajmin e ëmbël dhe tregon emocionet e para.
“Dëshironim t’jua jepnim lajmin në një ditë më të rëndësishme dhe të qetë, por fati deshi t’jua themi në një kohë karantine. Po presim një fëmijë. Jemi shumë të emocionuar dhe të lumtur. Shumë faleminderit për urimet tuaja”- shkruan 39-vjeçari.
Çifti ka një lidhje disavjeçare dhe tashmë ka marrë një hap të rëndësishëm.
Nga fotoja shihet se Idil është në muajt e parë të shtatzënisë, pasi barku thuajse nuk i duket fare.
