Këngëtarja vlonjate, Aurela Gaçe, është ndjerë nostalgjike për rininë e saj dhe ka publikuar disa foto nga arkiva në Instagram.
Fotot i përkasin viteve të ndryshme, duke filluar që nga 1992, kohë kur ishte në fshatin Llakatund e veshur me një minifund, që në atë kohë nuk para e shihje te çdo femër.
Por Aurela, ka eksperimentuar me veshjet dhe look-un e saj me vite të tëra dhe fotot e mëposhtme do ta demonstrojnë këtë gjë.
Ajo tregon sesi i ka mbajtur flokët në vitin 1994, 1996 e kështu me radhë. Nga rrastat me xhel, te flokët e vitit 2000 që duken “si fishekzjarrë”, Aurela tregon shndërrimet që ka pësuar look-u i saj ndër vite.
Më sensuale dhe më të bukur e tregojnë flokët biondë që këngëtarja vlonjate i ka edhe sot e kësaj dite, të paktën deri në këtë moment që po flasim, pasi nuk i dihet të nesërmes.
