Aktori Haley Joel Osment ka kërkuar falje pasi u arrestua më 8 prill në Kaliforni për dehje në publik dhe posedim të një lënde narkotike, që dyshohet të jetë kokainë.
Në pamjet e policisë, ai shihet duke u sjellë në mënyrë të “çrregullt” dhe duke përdorur një fyerje antisemitike ndaj një oficeri. Për këtë ngjarje, autoritetet kanë ngritur akuza ndaj tij, ndërsa gjyqi pritet të mbahet më 7 qershor.
Osment tha se ndjehet i turpëruar për sjelljen e tij dhe kërkoi ndjesë publike, veçanërisht ndaj komunitetit hebre. Ai shtoi se kishte qenë në një gjendje të vështirë emocionale pasi kishte humbur shtëpinë në një zjarr më herët këtë vit, por pranoi se kjo nuk e justifikon atë që ndodhi.
Ky nuk është incidenti i tij i parë me ligjin — më parë është arrestuar edhe për drejtim të automjetit në gjendje të dehur dhe për një konflikt në një aeroport në Las Vegas.
