Era Rusi ka zbuluar disa të pathëna për jetën e saj private dhe atë personale. Teksa ishte e ftuar në “Pardon My French” në Top Albania Radio, ajo ka ndarë detaje nga karriera e saj e gjatë në muzikë, duke zbuluar edhe gjithçka rreth këngës së saj më të re e cila titullohet “Kur të merr malli”.
E pyetur se me cilën këngë të sajën do ishte një përfaqësim i denjë i vendit tonë në Eurovision Song Contest, ajo u shpreh:
“Shumë njerëz më kanë thënë për “Gjuju” që do të donin të ishte në Eurovision. Unë mendoj që kënga “Eja merre” që kam qenë në festival ka qenë një këngë e denjë për Eurovision. Ka patur shumë këngë të bukura tani që e mendoj.”
Ndërkohë, në studio u fol edhe për jetën personale të artistes, e cila ka zgjedhur ta mbajë gjithmonë larg vëmendjes publike, megjithatë e pyetur nëse do të ndryshonte Era Rusi për një person nëse do ta donte shumë, ajo tha:
“Unë mendoj që me vetëdije apo pa vetëdije të gjithë ndryshojmë nga pak ose përshtatemi. Disa kompromise duhet t’i bësh”
