Moderatorja e njohur Elita Rudi është në muajt e fundit të shtatzënisë dhe që nga momenti kur e bëri publike fansat e saj kanë shumë pyetje për të.
Sot ajo u ka dhënë përgjigje të gjitha pyetjeve që ndjekësit kanë mbi përjetimin e shtatzënisë.
Elita ka treguar se një nga këto ditë ajo do të zbulojë publikisht gjininë e fëmijës, por bashkë me Gjikon kanë një problem të madh që s’po vendosin dot për emrin.
“U mbytëm duke mbajt shënim emra, por akoma nuk po vendosim dot” – shkruan Elita.
Më tej moderatorja zbuloi se ashtu siç grua shtatzënë ka shtuar mjaft peshë, aq sa nuk guxon të peshohet dhe madje doktori e ka këshilluar të mos e teprojë me ushqimin.
Gjithashtu ajo ka zbuluar se bashkë me Gjikon mezi po prisnin të merrnin vesh se do të bëheshin prindër dhe pasi testi doli pozitiv ajo mori me radhë gjithë farmacitë duke blerë disa teste shtatzënie.
Mesa duket çifti i ri janë tepër entuziastë për fëmijën e tyre të parë që mezi po presim ta njohim.
