Vithet e mbushura dhe gjoksi i bëshëm mbeten sot për sot tendencat e bukurisë së një femre, të cilat i ndjekin shumë vajza të ekranit shqiptar. Trendi që ka vendour Kim Kardashian për standardet e bukurisë femërore, ka bërë që shumë femra të ekranit shqiptar të kthehen nga elegante në të kolme.
Kjo tendencë për të pasme të mëdha ka ndryshuar shumë vajza të famshme shqiptare që gjithnjë e më shumë po ekspozojnë trupin në rrjetet sociale. Dikush me palestër e dikush me ndërhyrje, çfarë rëndësie ka kjo?! Këto janë transformimet më drastike të bukurosheve të ekranit:
Luana Vjollca
Luana Vjollca njihet sot si një ndër femrat me linjat më seksi në ekranin shqiptar. Por ata që e njohin Luanën që në fillimet e karrierës së saj, e dinë shumë mirë që ajo nuk ka qenë aq e kolme sa sot. Viti 2009 ishte koha kur Luana nuk frekuentonte palestrën, hante gjithçka që donte dhe sërish ia linte meritat metabolizmit për linjat elegante. Por sot që flasim, moderatorja është bërë një frekuentuese e rregullt e palestrës dhe ushtrimeve që quhen “squats” për të mbajtur në formë të pasmet seksi.
Eni Koçi
Sot është një nga femrat e ekranit shqiptar që dallon për format seksi trupore. Eni Koçi nuk do të njihej nga fansat pa të pasmet e saj të mbushura “alla Kardashian” dhe gjoksin e bëshëm, të cilin këngëtarja e ekspozon shpesh herë në profilin e saj në Instagram. Megjithatë në fotot e vjetra të këngëtares, të bien në sy ndryshimet në trup, të pasmet dhe buzët e holla që sot nuk i gjen në fotot e fundit. Eni Koçi ka treguar se është një fanse e madhe e ushqimit, veçanërisht makaronave. Ajo ka deklaruar se nuk mund ta mbajë dietën më shumë se 5 minuta, por me sa duket është me fat pasi arrin të shtojë peshë aty ku duhet.
Ingrit Gjoni
Nëse do ta njihnit Ingrit Gjonin 17 vite më parë, do të kuptonit se ajo ka pasur fizikun e një modeleje. Në një foto të vitit 2001 të siguruar nga Iconstyle.al, Ingriti shfaqet e veshur me një palë xhinse të shkurtra dhe një bluzë bust me temina në ngjyrë floriri. Xhinset i shfaqin këmbët e holla dhe të drejta, që do t’i kishte zili kushdo. Por sot këngëtarja është mjaft e kolme dhe ka ndryshuar shumë. Ajo është bërë nënë e një vogëlushi që quhet Parid dhe fiziku ka ndryshuar shumë, siç ndodh rëndom te femrat pas lindjes. Por Ingriti ndihet e lumtur me format që ka sot dhe që janë shumë në modë.
Ronela Hajati
Fansat ia kanë vënë shpesh herë në dukje kilet e tepërta, por Ronela Hajati e do trupin e saj ashtu siç është. Në një epokë që të gjithë pëlqejnë femrat alla Kardashian, Ronela është shprehur se ka një trup shumë në modë ndërsa e quan veten yll. “Më falni, e dini ju që ‘body shame’ është një nga ofendimet më të poshtra që mund t’i bëhet dikujt? A ju pyeti njeri për diçka? Jo!. Dhe sa për dijeni nuk jam shëndoshur, jam thjesht një trup shumë në modë, domethënë një yll që njerëzit po harxhojnë shumë lekë të bëhen si mua! Pra, dhe njëherë jam yll!”, ka thënë Ronela.
Eliona Pitarka
Aktorja Eliona Pitarka shquhet për format e saj bombastike, por nuk ka qenë gjithmonë kështu si sot. Ajo u bë e njohur në “Zjarr TV” si një nga spikeret që guxoi të jepte lajme me xhaketë zbërthyer. Por para disa viteve, Eliona ka qenë shumë e dobët edhe me format e një modeleje dhe jo forma të rrumbullakosura. Fotoja e mëposhtme flet vetë.
Morena Taraku
Morena është përfolur shpesh në media për ndërhyrjet e saj estetike, fakt të cilin ajo e ka mohuar. Por duke krahasuar fotot e saj të tanishme me ato të dikurshme duket qartë që këngëtarja ka ndryshuar. Sot Morena është fanse e femrave të kolme seksi dhe mund të themi se tashmë është një prej tyre.
