Mbrëmjen e sotme qeveria shqiptare ka mbajtur një konsultë në distancë për të marrë disa vendime të rëndësishme.
Mes tyre, ai që ka marrë një vëmendje të veçantë, është vendimi për qarkullimin e makinave.
Në faqen zyrtare në Facebook, kryeministri Edi Rama ka bërë me dije dhe oraret kur do të lejohet të qarkullojnë makinat.
Në mbledhje është vendosur që të lejohet qarkullimi deri në orën 8 të mëngjesit dhe pasdite vetëm në orën 16:00-17:00.
Në të kundërt, ata që shkelin rregullin do të ndëshkohen me heqje të patentës deri në tre vite.
Postimi i Edi Ramës:
SAPO KEMI MBARUAR KONSULTIMET E QEVERISË NË DISTANCË!
TË GJITHË ATA QË DITËN E HËNË DHE NË VIJIM DO TË JENË TË ANGAZHUAR PËR PUNË, NË SEKTORIN PUBLIK APO PRIVAT, DO TË MUND TË QARKULLOJNË ME AUTOMJETE VETËM DERI NË ORËN 08.00 TË MËNGJESIT DHE NGA ORA 16.00 DERI NË ORËN 17.00 TË PASDITES
QARKULLIMI I AUTOMJETEVE QË NUK JANË PJESË E SHËRBIMEVE SHTETËRORE NË LËVIZJE APO SHËRBIMEVE PRIVATE QË E KANË TË DOMOSDOSHME LËVIZJEN, DO TË JETË E NDALUAR RREPTËSISHT PËR ÇDO AUTOMJET TJETËR JASHTË FASHAVE TË LEJUARA PËR VAJTJA/ARDHJE NË PUNË
SHKELJA E REGJIMIT TË QARKULLIMIT TË IMPONUAR NGA KUSHTET E LUFTËS ME ARMIKUN E PADUKSHËM QË KËRKON PENGJE NË FAMILJET TONA, DO TË NDËSHKOHET ME HEQJEN E PATENTËS SË DREJTIMIT PER 3 VJET!
QEVERIA DO TË PUBLIKOJË NESËR AKTIN – NORMATIV PËR MASAT E VEÇANTA ADMINISTRATIVE QË DO TË HYJNË NË FUQI MENJËHERË, DERI NË PËRFUNDIMIN E KËSAJ LUFTE PËR TË MBROJTUR SA MË FORT JETËN E ÇDO SHQIPTARI
FRIKË ASPAK, KUJDES PO!
