Deri tani, në Shqipëri janë konfirmuar 38 të infektuar me Koronavirus, ndërsa të tjera rezultate të analizave pritet të publikohen sa më shpejt.
Sot është dita e tretë e shtetrrethimit, një masë që u mor nga qeveria për të frenuar përhapjen e virusit.
Kryeministri Rama paralajmëroi se kufizimi i qarkullimit për Durrësin dhe Tiranën me gjasë do të shtrihet edhe përtej së hënës por perimetri i zonave të izoluara do të rritet.
Prej ditës së sotme, në 06:00 të mëngjesit është ndaluar jo vetëm qarkullimi brenda po edhe në rrugët nacionale që lidhin Vlorën me Fierin, Fierin me Lushnjen dhe Shkodrën me Lezhën, pra perimetri i mbrojtjes është zgjeruar dhe është ndaluar edhe qarkullimi mes Elbasanit dhe Korçës.
Kudo janë mbyllur po njësoj të gjitha lokalet dhe mjediset e mbyllura sipas kategorive në Tiranë dhe Durrës.
Në rang botëror, deri tani numërohen 156,073 raste të konfirmuara dhe 5,821 vdekje.
Kosovë
Numri i të prekurve në Kosovë ka arritur në 5, ndërsa u bë e ditur se të gjitha rastet e konfirmuara kishin pasur kontakte me të prekurin e parë.
Pas konfirmimit të rasteve të infektuara, u mbyll për 14 ditë kufiri me Kosovën.
Itali
Vetëm në 24 orët e fundit, Italia ka shënuar një bilanc tragjik prej 175 viktimash, duke e çuar në 1,441 numrin e tyre.
Gjithashtu, numri i të prekurve ka shkuar në 21,157.
SHBA
Në Shtetet e Bashkuara janë shtuar 8 vdekje, duke e çuar në 57 numrin e tyre total.
Gjithsej, janë konfirmuar 2,499 raste të infektuara, 10 prej të cilëve janë në gjendje kritike për jetën.
Zvicër
Zvicra ka shënuar 2 viktima, ndërsa numri i jetëve të humbura ka shkuar në 13.
Numërohen 1,375 mirëpo të infektuarit nuk kanë shfaqur shenja të rënda të virozës.
Francë
Franca ka konfirmuar 12 vdekje të reja, të cilat e kanë çuar në 91 numrin total të tyre.
Raste të infektuara me koronavirusin janë 4,469 , ndërsa 154 prej tyre janë paraqiur në gjendje të rënduar shëndetësore.
Spanjë
Spanja ka shënuar 62 viktima, ndërsa numri i tyre total ka arritur në 195.
Gjithsej numërohen 6,391 raste të konfirmuara me koronavirus, ndërsa 293 prej tyre kanë rrezikshmëri për jetën.
Iran
Irani ka regjistruar 97 jetë të humbura, të cilat deri tani kanë shkuar gjithsej 611.
Numri i të infektuarve në këtë shtet është 12,729, mirëpo nuk paraqiten persona me shenja të rënda të virusit./ Iconstyle.al
