Këngëtarja e njohur Rezarta Shkurta feston sot ditëlindjen e saj dhe për të gjithë ata që u bënë kuriozë, ajo ka lindur më 18 nëntor të vitit 1986 dhe mbush sot 34 vjeç!
Ndryshe nga herët e tjera, ky vit e ka gjetur Rezartën duke punuar, siç ajo ka treguar vetë në një video në InstaStory.
“Ditëlindja më gjeti më bukur se asnjëherë, duke punuar. Së shpejti një tjetër film me metrazh të shkurtër nga një aktor i vogël.”- shkruan Rezarta duke treguar se vshtë tepër e fokusuar në punë.
Në pamundësi për grumbullime për shkak të emergjencës Covid-19, Rezarta e ka marrë një dozë të lumturisë nga dashuria e urimet e shumta që ka marrë në Instagram.
Bora Zemani i shkruan fjalët më të ëmbëla, duke e cilësuar ndër të tjera gocë frymëzuese.
Ndërkohë, edhe Xhensila Myrtezaj ka shpërndarë një foto të Rezartës në Instastory, duke shkruar “Edhe 100 e shtrenjta ime”.
Nuk ka munguar as Elita Rudi, që po ashtu e ka uruar publikisht në Instastory, ku krahas fotove ka shkruar “Gëzuar ditëlindjen, zemër e bardhë!”
Rudina Dembacaj ka shkruar “Edhe 100 talent”.
Ndërkohë Alban Skënderaj dhe Miriami i kanë dërguar një tufë me lule. Dhuratën e zbuloi vetë goca e ditëlindjes në Instagram, ku shkroi ” Sa e bukur është jeta me miq të mirë!”.
Duket se Rezartën e duan shumë dhe kjo gjë u vërtetua edhe sot.
Mirëpo, ne jemi kuriozë të mësojmë ç’surprizë apo dhuratë i ka përgatitur bashkëshorti i saj, Ermali!
