Ditën e djeshme Bes Kallaku festoi 35-vjetorin dhe rrjeti u mbush me urime të pafundme për artistin.
E para që i bëri një super dedikim ishte Xhensila Myrtezaj, e më pas të gjithë miqtë e kolegët.
Sakaq, ata kishin organizuar një festë ku ftuan njerëzit më të afërt dhe fabula ishte “jeta në fshat”.
I gjithë ambienti kishte motivet e kësaj jetese, teksa të ftuarit së bashku me familjen Kallaku ishin veshur me një look të përshtatshëm.
Ndërkohë, ditën e sotme Besi dhe Xhensila kanë ndarë të tjera pamje nga festa e tyre, duke zbuluar detaje mjaft interesante.
Së pari, Xhensila i ka bërë Besit dhuratën më të këndshme ndonjëherë dhe sigurisht të preferuarën e tij. Ajo i ka dhuruar atij plot 1000 domate dhe këtë e ka ndarë edhe në Instastory, ku ka shkruar “1000 domate për kë vallë?”
Si momentin më te bukur të natës do veçonim një video surprizë, ku shfaqej Ajka e vogël që i këndonte babi Besit “Happy birthday to you!”.
Kjo video ka emocionuar shumë edhe çunin e ditëlindjes, i cili në një video të publikuar nga Xhensila duket se është përlotur.
Mes shumë familjarëve e miqëve të Besit ka qenë edhe presidenti Ilir Meta dhe kreu i LSI Monika Kryemadhi, me të cilët aktori i humorit ruan raporte shumë të mira.
Në një video Monika shihet tek tërheq valle popullore, duke dhuruar shumë spektakël.
Më tej, festa ka vijuar deri në orët e vona të mbrëmjes, me këngë e hare, sikundër mund ta shihni në videot e mëposhtme.
