Ditën e sotme, emisioni “Prive.al” ka zbuluar pamje nga ditëlindja magjike e vajzës së Zaimina Vasjarit.
Khloe bëri 2 vjeçe dhe mami Zai ishte kujdesur që të organizonte një ditëlindje për t’u mbajtur mend.
Përpos pamjeve, “Prive.al” kishte bërë edhe një intervistë me këngëtaren, e cila ka treguar detaje për jetën e saj personale, zgjerimin e familjes dhe dasmën.
E pyetur nëse e ka në plan ta bëjë Khloen me motër ose vëlla, Zaimina u përgjigj se e bija i ka dy motra.
Megjithatë, ajo u shpreh sa do një familje të madhe, prandaj mendon që ta bëjë vajzën me një vëlla.
“Na pëlqen familja e madhe, të kemi shumë fëmijë, na pëlqen të ketë zhurmë shtëpia sepse fëmijët janë gëzim”, tregoi Zaimina.
Zaimina tregoi se në të ardhmen do bëjë dasmë dhe zbuloi disa detaje.
“Dua një ceremoni jo tradicionale. Do e bëj jashtë, e di vendin ku e dua. Të gjithë dasmën e kam të detajuar në mendje si do e bëj, por nuk ka ardhur momenti akoma”, tha ajo.
Ndërkohë shtoi se këtë vit mund t’i rikthehet muzikës, meqë na ka munguar prej vitesh.
