Balada e Flori Mumajesit me Arilena Arën u pëlqye tej mase nga fansat e dyshes dhe jo më kot!
Një këngë e ndjerë si kjo, shoqëruar me një foto po aq domethënëse i bëri fansat e tyre të mendojnë sesi do të ishin si çift Flori dhe Arilena dhe këtë po e thonë të gjithë njëzëri.
“Unë doja, doja, doja, gjithmonë doja që ju të dy të ishit bashkë”, shkruan një nga fanset e kantautorit, ndërkohë që nuk mungojnë as urimet për çiftin.
“Puthe se jeni super çift”, shkruan një tjetër.
“Me trashegime tani”, thotë dikush.
Kënga “Doja” ka 3 vite që është punuar dhe është gati dhe nuk e dimë përse Arilena me Florin pritën kaq gjatë për ta publikuar.
Ndoshta ngaqë në vitin 2017-të dyshja u përfol për një lidhje të mundshme, dhe kjo këngë vetëm sa do t’i shtonte më shumë zërat.
“‘Doja’ Një këngë shumë afër zemrës sime, krijuar 3 vite më parë nga @darkodimitrov Grateful♥️ Me një ndjesi rrënqethëse shkruar nga @lindon.b @iamflorimumajesi .. Zëri yt që aq shumë e dua! Faleminderit për emocionin e bukur që i dhurove DOJES tonë!❤️ Thjeshtë dhe pa shumë fjalë, për ju me gjithë energjinë tonë “DOJA”.. “, shkruante dje Arilena.
Kantautori ka bashkëpunuar me herët me Arilenën me këngën “Nallane”. Flori gjithnjë ka shprehur simpatinë dhe vlerësimin e tij për këngëtaren dhe dyshja ka një kimi vërtet të veçantë.
Por vetëm kaq!
E pyetur për Florin në dhjetor 2017, Arilena mohoi gjithçka:
“S’kam qenë në një lidhje me Florin. Unë dhe ai kemi një energji shumë të mirë. Unë jam mirënjohëse dhe besnike ndaj kujtdo që më ka ndihmuar.”-u përgjigj ajo duke na bërë të kuptojmë se mes tyre s’ka patur gjë.
