Tea Trifoni dhe Beart Rexhepi s’janë më bashkë dhe ky lajm ka bërë bujë të madhe në media këto ditë.
Ishte Bearti ai që pranoi i pari ndarjen në rrjete sociale, pas thumbave të njëpasnjëshëm që po i drejtonin njëri-tjetrit.
“Po gjithçka ka marrë fund. Nuk dua drama ose vëmendje, kështu që dua me e mbyll këtu këtë kapitull edhe mos me e hap më asnjëherë”, shkruante Bearti.
Së fundmi, “Prive” ka zbuluar se arsyeja e ndarjes së dyshes ishin botëkuptimet e kundërta, përfshirë edhe mënyrën sesi duhet menaxhuar lidhja në një situatë ku privatësia ka qenë e pamundur.
Pas lajmeve të bujshme të ndarjes, ka qenë Tea ajo që ka reaguar së fundmi për situatën dhe ka pranuar gjithashtu publikisht ndarjen.
Ajo tregon që s’janë më bashkë, si dhe lë të kuptohet që arsyeja e ndarjes së tyre ka qenë madhore (pa sqaruar më tepër).
Përsa i përket gjendjes së saj shpirtërore, Tea tregon se tashmë ka nisur ta marrë veten.
Tea duket se është gati të nisë një kapitull të ri në jetën e saj. Ashtu si të gjitha vajzat, edhe ajo ka vendosur të ndryshojë look pas ndarjes. Ish-konkurrentja e “Për’puthen” i ka lyer flokët në ngjyrë çokollate, duke hequr dorë nga flokët biond dhe portokalli. Kjo do të thotë se Tea e ka hedhur pas krahëve të shkuarën me Beartin dhe është gati për një histori të re.
