Nëse do të udhëtoni përgjatë Rrugës së Kombit nga data 17 shtator, atëherë duhet të paguani taksën e kalimit.
“Gazeta Shqiptare” shkruan se çdo drejtues mjeti do të paguajë 660 lekë për çdo kalim. Përjashtim nga kjo shifër do të kenë vetëm banorët e qarkut të Kukësit, të cilët do të paguajnë tarifën prej 100 lekësh.
Ndryshe nga sa u vendos në fillim, pagesa nuk do të behët në monedhën europiane, por në atë vendase.
Në muajin prill u vendos që tarifa të ishte 5 euro për një kalim ose 10 euro vajtje-ardhje, vendim i cili zemëroi banorët e Kukësit, që organizuan një protestë e cila degradoi deri në djegien e pikave të kalimit.
Burimi: GSH
