Për të parandaluar transmetimin e sëmundjes së HIV-it te fëmijët, të gjitha nënat shtatzënë në Shqipëri, janë të detyruara të bëjnë analizat.
Duke filluar nga 1 janari të gjitha gratë shtatzënë duhet të drejtohen drejt qendrave shëndetësore për t’u pajisur me një kartë ku do të kenë të listuara të gjitha analizat e nevojshme për t’u bërë gjatë kohës që janë në pritje të foshnjës.
Edhe pse nuk është detyrim ligjor, gratë shtatzëna mund të penalizohen nga moskryerja e kësaj analize, duke mospërfituar raporte mjekësore.
Sipas ekspertëve, testimi vullnetar i shqiptarëve ndaj virusit të HIV/AIDS mbetet në shifra të ulëta.
Ajo që mbetet problem në Shqipëri është transmetimi vertikal i virusit, pra kalimi i tij nga nëna tek fëmija. Që prej viteve ‘90, numërohen gjithsej 44 fëmijë të infektuar nga nëna, dy prej të cilëve vetëm gjatë vitit 2018.
/Iconstyle.al
