Ikona e muzikës shqiptare Nexhmije Pagarusha, ndërroi jetë ditën e sotme në moshën 86-vjeçare pas një sëmundjeje.
Bilbili i muzikës ka lënë pas një trashëgimi muzikore, prandaj humbja e saj lë një zbrazëtirë të madhe në artin muzikor shqiptar.
Ditën e sotme u mësua se e ndjera do të prehet në vendlindjen e saj në Pagarushë dhe se dëshira e saj e fundit ka qenë që ceremonia lamtumirëse t’i jepet vetëm me rrethin e ngushtë familjar.
Por, tani është zbuluar edhe një tjetër amanet i saj.
Korab Shaqiri e ka bërë publik në Instagram një dokument që tregon se këngëtarja e mirënjohur e ka kërkuar që gjatë varrimit t’i vendoset kënga “Lugina e dashurisë” nga Ilir Shaqiri.
Nexhmija ka pasur një lidhje të ngushtë me këtë këngë, prandaj e ka lënë edhe me shkrim amanetin e saj.
