New York City ka ruajtur vendin e parë në listën e miliarderëve të Forbes për vitin 2025, me plot 123 miliarderë që jetojnë aty. Pasuria totale e këtyre individëve arrin në afro 759 miliardë dollarë, duke e bërë qytetin një nga qendrat më të fuqishme financiare në glob.
Në rang global, numri i përgjithshëm i miliarderëve ka arritur mbi 3,000, me një pasuri të përbashkët rekord prej 16.1 trilionë dollarësh – një rritje e ndjeshme krahasuar me vitet e mëparshme.
Pas New York-ut, renditen Moska me 90 miliarderë, Hong Kongu me 72 dhe Londra me 71.
Mes emrave të rinj që i janë shtuar listës në Manhattan janë aktori legjendar i komedisë, Jerry Seinfeld, i cili tani vlerësohet të ketë një pasuri rreth 1.1 miliardë dollarë, si dhe themeluesi i “Chipotle”, Steve Ells.
Pjesa më e madhe e pasurisë së miliarderëve në New York vjen nga sektorët e financës, pasurive të paluajtshme dhe modës. Emra si Michael Bloomberg me një pasuri prej 105 miliardë dollarësh dhe Julia Koch me 74.2 miliardë, vazhdojnë të kryesojnë listën e më të pasurve në qytet.
