Moderatorja e njohur dhe simpatike, Nevina Shtylla është mjaft e dashur për publikun shqiptar. Ajo është shumë diskrete sa i takon jetës së saj private.
Madje, ajo nuk flet aspak për lidhjen e saj prej disa vitesh me juristin Arbër Myftarin.
Por sot në puntatën e fundit të “E diell”, Nevina e bëri edhe një deklaratë për jetën e saj personale. Ajo u vendos paksa në siklet kur kolegët e pyetën për partnerin e saj.
Ajo bëri një deklaratë të shkurtër por shumë romantike për të dashurin e saj. “E di ai sa shumë e dua”, tha ajo.
Më herët, Nevina ka folur për karrierën e saj dhe se si e ka nisur.
Ajo ka treguar se ka qenë vetëm 15-vjeç dhe ka pasur emocione shumë të forta.
“Shumë emocione. Rrahje të forta zemre. Dhe sigurisht që ajo çfarë thashë ishte tjetër për tjetër nga ajo çfarë kisha planifikuar fillimisht të thoja. Kam qenë 15 vjeç dhe që atëherë më është dashur të punoj shumë, të dështoj e të provoj sërish, që të fitoj qetësinë që kam sot në skenë. Edhe pse emocionet janë më lehtësisht të kontrollueshme tani, ka ende vend për përmirësim”, ka treguar moderatorja simpatike dhe mjaft e dashur Nevina Shtylla.
