Pas nëntetares Zarife Hasanaj, më datën 10 maj fatkeqësisht ndërroi jetë edhe major Klodian Tanushi pasi nuk u mbijetoi dot plagëve të marra.
Edhe Hasanaj, edhe Tanushi kanë humbur jetën në krye të detyrës, gjatë misionit të tyre të përbashkët të NATO-s në Letoni.
Ditën e nesërme trupi i 39-vjeçarit do të sillet me avion ushtarak në Shqipëri, në orën 12:45 dhe ceremonia pritëse do të mbahet në pjesën ushtarake të aeroportit “Nënë Tereza”.
Raportohet se ditën e enjte nga ora 10:00-12:00 do të zhvillohen homazhet dhe Ceremonia Shtetërore tek Muzeu Historik Kombëtar.
Ndërsa lamtumira e fundit do t’i jepet në Varrezat e Dëshmorëve në Tiranë. /balkanweb.com
