Nëse mendonit se temperaturat do të rriteshin, atëherë ju paralajmërojmë që të përgatiteni për nesër. E marta e 15 janarit mësohet se do të jetë dita më e ftohtë e javës, pasi temperaturat që do të zbresin deri në -14 gradë celsius. Por pavarësisht kësaj meteorologët thonë se nuk do të ketë reshje bore në kryeqytet.
Vranësirat që kanë përfshirë veriun dhe qendrën e vendit, gjatë pasdites do të zhvendosen në juglindje.
Meteorologia Adiola Bani thotë: “Duke filluar nga mesnata do të kemi përmirësim të kushteve, duke bërë që e marta të jetë një ditë e ftohtë, por e kthjellët. Në zonat malore, minimuni do të shkojë në -14 gradë në lindje të vendit. Edhe në bregdet do të kemi temperatura -2 gradë. Kjo situatë është deri të premten. Të premten kemi rikthim të reshjeve në territor, por temperatura tipike të dimrit”.
Sipas saj, pas 17 janarit do të kemi temperatura tipike dimërore, por reshje më të mëdha shiu dhe bore.
