Nëse merrni një mesazh që ju fton të ndryshoni ngjyrën e “WhatsApp”-it tuaj, injoroni. Seriozisht!
Pavarësisht se një ngjyrë e re në “WhatsApp”-in tuaj do të dukej e mrekullueshme, për fat të keq ky është një mashtrim i madh dhe ndaj duhet që t’i qëndroni besnik jeshiles.
Sajti përdor shkronja cirilike për ta bërë atë të duket si whatsapp.com (është në fakt шһатѕарр.com).
Nëse vizitoni linkun, merrni një mesazh që ju thotë, “Ngjyra të reja për “WhatsApp”, tani mund të ndryshoni “WhatsApp”-in tuaj dhe të zgjidhni ngjyrat tuaja të preferuara”, duke deklaruar se është i disponueshëm për iOS, Windows, Apple dhe Blackberry.
Pastaj ju kërkon ta ndani faqen me 12 miq për ‘verifikim’.
Sapo ta kenë verifikuar, atyre ju thuhet se veçoria është e disponueshme vetëm përmes një kompjuteri dhe se për ta shfaqur atë, duhet të instalojnë një program shtesë të quajtur “BlackWhats”.
Megjithatë, në vend që të keni një “WhatsApp” shumëngjyrësh, programi sjell për ty dhe miqtë tuaj një virus.
Programi shtesë është hequr tani nga “Google”, por ishte shumë bindës, me një vlerësim prej 4 yjesh nga 55 persona.
Burimi: Independent
