Thonë se dashuria “të mbyll sytë”, por nuk do të thotë që duhet të lejoni partnerit që “t’ju shkel me këmbë”. Nëse vini re një nga këto shenja në lidhjen tuaj në çift është momenti i duhur që të largoheni prej saj, para se të jetë tepër vonë.
1.Kërkon të ndryshoni pamjen
Nëse ai pretendon të bëni diçka që nuk është në dorën tuaj për pamjen e jashtme, atëherë kini kujdes! Ai, dashur pa dashur thjesht po iu bën presion dhe s’duhet ta lejoni këtë. Supozohet që ai duhet t’ju dojë siç jeni, jo të përpiqet të shtojë komplekset tek ju. Bëjani këtë të qartë vetes në fillim dhe pastaj sigurisht atij.
2.Është egoist në shtrat
Kur rritesh, ti e di shumë mirë se çfarë të pëlqen në shtrat dhe çfarë jo. Por dëshirat tuaja duhet të jenë në harmoni me dëshirat e tij. Nëse ai çdo herë tregohet egoist në shtrat dhe bën gjithçka përveçse asaj që ju doni ose abuzon me ju duke bërë gjëra që jo vetëm s’ju pëlqejnë por dhe ju lëndojnë, “jepini duart”. Është thjesht një fëmijë i papjekur, që nuk është në dorën tuaj ta rrisni
3.Të kufizon nga shoqëria dhe familja
Nëse ai në çdo rast gjen diçka që s’i pëlqen tek shoqet e tua dhe përpiqet me çdo kusht t’ju distancojë prej tyre kjo nuk është një shenjë e mirë. Nëse vendosni të jetoni të nënshtruara nga të tilla dëshira, shumë shpejt do ta gjeni veten të vetmuar dhe s’ka asgjë që mund të bëhet për ta ndryshuar këtë. Kurrsesi nuk duhet ta lejoni t’ju ndajë nga miqtë apo të ndikojë në marrëdhëniet ndërpersonale. Kjo nuk është xhelozi, kështu që bëni mirë t’i sqaroni këtë që në takimin e parë.
4.Do të dijë me detaje privatësinë tënde.
Dhe kjo është shumë e mërzitshme. Të lejosh dikë të të kontrollojë, nuk është as e drejtë dhe as e shëndetshme për lidhjen. As mos t’ju shkojë ndër mend të pranoni gjithçka ai ju thotë vetëm se pas kërkesës vjen fjala “E bëj se të dua”. Harrojeni! Në fund të ditës, secili ka jetën e tij dhe disa gjëra janë thjesht dhe vetëm të tuat. Por ama, mos t’ju shkojë ndër mend as ju të bëheni posesive dhe të luteni për atë “passëord”.
5.Fjalët e tij ju bëjnë të ndiheni keq
Nëse ajo që quajmë “gjysma tjetër” nuk ka aspak takt dhe kritikat kanë arritur kulmin, çfarë po prisni akoma? I bëni vetes nder dhe largoni një stres i madh, para se t’ju frustrojë edhe më shumë.
