Ndryshimet në fizik dhe shenjat e çuditshme që shihni te fëmija juaj, që ende nuk ka nisur të flasë, sinjalizojnë që duhet ta çoni te mjeku.
- Nëse shfaqet pika në lëkurën e fëmijës e cila është asimetrike, me ngjyrë jo të njëjtë, posaçërisht nëse është më e madhe se 6 milimetra, ose keni vërejtur që ndonjë lyth i mëhershëm është rritur, patjetër duhet ta çoni te mjeku. Duke pasur parasysh që kjo nuk është simptomë e cila shkakton dhembje apo ndonjë sensacion tjetër, është me rëndësi që rregullisht t’ia kontrolloni lëkurën fëmijës suaj.
- Rënia e flokëve – nëse vëreni që flokët e fëmijës suaj po rrallohen, apo madje po shfaqen edhe shenja në lëkurën e kokës, shkaktari i saj gjithsesi është në vetë organizmin. Pra, për të zbuluar për çka është fjala, është e nevojshme që fëmijën e vet ta çojë te pediatri. Në praktikën mjekësore është treguar që shkaktari më i shpeshtë është mungesa e vitaminave, mirëpo gjithsesi duhet të konstatohet gjatë kontrollit.
- Acarimi apo humbja e interesimit të fëmijës si edhe zvogëlim të oreksit apo gjumë të keq – të gjitha këto janë shenja që tregojnë që do të duhej ta çoni fëmijën te mjeku.
- Gropë e butë dhe butësia në një pjesë të kokës së bebes është normale për foshnjat e sapolindura dhe me kalimin e kohës do të mbyllet, mirëpo nëse vëreni që bebes i është rritur koka, duke pasur parasysh që ajo është një ndër simptomat tipike për sëmundje të caktuara, patjetër duhet ta dërgoni te mjeku specialist.
- Probleme me të dëgjuarit – nëse fëmija juaj nuk reagon gjithherë kur i flisni diçka, aq më parë nëse i drejtoheni me emër, kjo nuk do të thotë që qëllimisht ju injoron dhe që është i painteresuar, por që ka problem me dëgjimin. Për ta eliminuar këtë dilemë, çojeni te mjeku.
- Nëse fëmija juaj është tepër i etur, dhe nëse pothuajse çdo 15 minuta kërkon nga ju ujë, kjo është shenjë që mbase ekziston ndonjë problem i caktuar.
- Gërhitja – nëse vëreni që fëmija juaj gërhet zëshëm, patjetër çojeni te mjeku, sepse kjo është simptomë klasike e cila tregon probleme me frymëmarrjen. Shpresojmë që këto sugjerime do t’ju ndihmojnë që të identifikoni të gjitha situatat të cilat potencialisht mund ta rrezikojnë shëndetin e fëmijës suaj.
