Edhe pema e Krishtlindjes ka efekte negative. Një grup studiuesish kanë analizuar materialet e 28 pemëve të Krishtlindjes, duke përfshirë halat e pishës dhe një sërë elementësh të tjerë . Në përfundim të studimit u konstatua se ato përmbajnë 53 tipe të ndryshme myku .
Ekspertët shpjegojnë se sporet e mykut dhe të polenit provokojnë shqetësime tek disa njerëz që vuajnë nga Sindromi i Pemës së Krishtlindjes.
Ky është një tip alergjie që përfshin teshtima , acarime fyti, kollë dhe dhimbje gjoksi. Por, edhe nëse përdorni një pemë artificiale nuk do të keni shpëtim , pasi ato marrin pluhur , që gjithashtu shkakton një sërë alergjish.
Këshilla:
- Shkundeni dhe pastrojeni mirë pemën para se ta fusni në shtëpi.
- Vendoseni pemën sa më vonë të jetë e mundur për të minimizuar ekspozimin ndaj mykut.
- Përdorni një pastrues ajri për të larguar pjesët e mykut që qarkullojnë.
- Gjithashtu mund të përdorni dhe një balsam përreth hundës kundër alergjive.
