E keni imagjinuar ndonjëherë se çfarë profesioni do të kishte Era Istrefi, nëse nuk do të ishte këngëtare?! E ndërsa ju zhvilloni imagjinatën, ju rrëfejmë përgjigjen e vetë këngëtares shqiptare. Gjatë një interviste për “Nexus Radio” në Amsterdam, Istrefi tregoi se do të kishte pasur dëshirë të bëhej psikologe.
“Ndoshta do të isha psikologe, pasi kam një pasion të madh për psikologjinë edhe pse nuk dukem. Nuk e jap atë përshtypje, por sinqerisht jam e fiksuar me mënyrën si funksionon mendja e njeriut.” – tha këngëtarja shqiptare.
Gjatë intervistës, Era Istrefi iu rikthye edhe performancës së “Kupës së Botës”, krahas Will Smith dhe Nicky Jam.
“Ishte çmenduri. Epike. Shumë e madhe! Mbeta e shokuar kur zbulova se do të jem një ndër këngëtaret për të performuar këngën e Kupës së Botës 2018, së bashku me Ëill Smith dhe Nicky Jam. Kënga ishte e mrekullueshme dhe jam mirënjohëse që isha pjesë e saj. Përvoja ishte e pabesueshme.” – tha Era.
Është paralajmëruar se Era ka realizuar bashkëpunimin e parë muzikor me të motrën Nora Istrefi, që pritet të publikohet së shpejti.
Burimi: Anabel.al
