Tatuazhet janë lloji më special i dedikimeve dhe Mozzik na e ka vërtetuar disa herë me tatuazhet e tij, pasi reperi ka shumë të tillë. Zakonisht, njerëzit zgjedhin të përjetësojnë një kujtim në lëkurën e tyre, duke gdhendur një tatuazh që do t’i kujtojë gjithmonë për një moment apo person të caktuar.
Nuk mund t’jua tregojmë të gjitha tatuazhet e Mozzik, por nga më të veçantët s’mund t’i lëmë pa i përmendur. Reperi na ka treguar se ka bërë tatuazh portretin e nënës së tij në krah dhe të Hanës.
Rreth një vit më parë Mozzik na shkriu zemrat të gjithëve kur postoi këtë foto të tatuazhit të portretit të Hanës.
View this post on Instagram
Së fundmi, ai ka shtuar një tjetër tatuazh në dorën e tij të majtë. Në gishtat e kësaj dore, ai ka patur të gdhendur “Ziki”, nga shkurtimi i Mozzik.
Ndërkohë, ditën e sotme ai ka shtuar edhe “King of myself”, një tatuazh tipik për çunat e suksesshëm si ai. Mozzik e ka ndarë foton me ndjekësit e tij në rrjetet sociale duke iu dhënë një ide kujtdo që kishte në plan të shtonte një tatuazh.
Në dorën e tij të djathtë, reperi ka të gdhendur “Life is pain”. Nuk e dimë se edhe sa tatuazhe të tjera do shtojë ai, por siç mund ta shihni në foto, një pjesë e mirë e trupit të tij është e gdhendur.
Nga ana tjetër, sapo data ka shënuar 1 janar 2021, reperi publikoi këngën e fundit “N’Tiranë” që po bën namin e po dëgjohet kudo.
Në këtë projekt reperi vjen si një çun shumë romantik që i këndon “një vajze misterioze” që e ka njohur në kryeqytet duke i bërë një super dedikim.
Kujtojmë se Mozzik na lajmëroi pak kohë më parë në rrjetet sociale se po sjell një album të ri që do jetë edhe më flakë, teksa po ashtu përflitet se do vijë në një bashkëpunim me Loredanën, por s’ka ende detaje rreth këtij projekti.
View this post on Instagram
