Nga fundjava që lamë pas i gjithë vendi u pushtua nga reshjet e shiut, ndërsa temperaturat vijojnë të jenë normale.
Por ndërsa po afrojnë festat, me siguri do të bëni plane dhe ju duhet që të shikoni nëse moti do të jetë apo jo në anën tuaj.
Sipas Meteoalb, vendi ynë deri në fund të javës pritet të shoqërohet nga një mot me shira dhe kryesisht kthjellime në pjesën e dytë të ditës.
Për ditën e nesërme parashikohet që ketë shira të izoluar në perëndim gjatë paradites, ndërsa pasditja sjell kthjellime në të gjithë vendin.
Ndërsa moti për ditët e festave, 28 dhe 29 nëntorin është ky:
Më 28 nëntor moti do të jetë me kthjellime dhe vranësira të shpeshta në të gjithë vendin.
Gati e njëjta situatë parashikohet edhe më 29 nëntor, por në zonat qendrore do të ketë shira të izoluar.
