Vetëm pak ditë më parë, reperët Capital T dhe Majk lançuan hitin e tyre më të ri, një bashkëpunim bombë të titulluar “Hala”.
Kënga i ka kaluar 2 milionë klikime në Youtube dhe na ka fiksuar aq shumë sa s’ndalojmë dot së bëri ‘replay’.
Mirëpo, surprizat e Kapos s’mbarojnë me kaq!
Vetëm pak ditë pas “Hala”, reperi po sjell këngën e re të titulluar “Akull”, që me siguri do të na godasë drejt e në zemër.
Megjithëse ende nuk është lançuar, kënga po bën namin në Spotify dhe jemi të bindur se do të jetë një sukses!
Vetë Capital T ndau në llogarinë e tij në Instagram një pjesë të këngës, duke njoftuar se kënga për të gjitha zemrat që ndihen “akull” të ftohta, do të lançohet më 23 nëntor.
Më herët reperi ka treguar se videoklipi i këngës po xhirohet në Gjermani, ndërsa ne po numërojmë ditët deri në datën 23!
