Ata insistuan se nuk pati ndjenja negative mes tyre pas ndarjes. Dhe Gigi Hadid na dëshmoi se nuk ka hatërmbetje me ish-in e saj Zayn Malik, përmes një gjesti shumë të vogël: një pëlqimi.
Modelja shtypi butonin “like” në foton e fundit të postuar nga këngëtari të enjten, ku tregonte çmimet e arritura ndër vite.
Zayn ndau me ndjekësit e tij koleksionin e të gjitha çmimeve që ka marrë për muzikën e tij, përfshirë ato të “MTV Video Music”, “Billboard Music” dhe “Official Chart”.
Krah fotos ai shkroi: “Të shoh arritjet e viteve të fundit më lë pa fjalë… Nuk mund ta përshkruaj sa mirënjohës jam, nga Bradford të arrij këtu, kjo është e gjitha një ëndërr për mua. I detyrohem fansave të mi të mrekullueshëm”.
Mes 1 milion pëlqimeve ishte dhe ai i Gigi-t, i cili u dallua nga disa prej fansave:
“Gigi e pëlqeu këtë”;
“Ti ende po e mbështet Z, të dua Gigi”, ishin disa nga komentet.
Burimi: Daily Mail
