Mbi 200,000 kasa të celularëve po tërhiqen nga tregu pasi janë raportuar rrjedhje nga lëngu me xixa brenda kasës. Këto rrjedhje kanë shkaktuar djegie kimike, flluska dhe irritim të lëkurës. Bëhet fjalë për kasat e prodhuara nga MixBin Electronics, një kompani që shet kasa për iPhone 6, 6S, dhe 7 në tregtues si Victoria’s Secret, Tory Burch, Nordstrom, madje dhe Amazon.
Janë raportuar 24 raste irritimi ose djegie në gjithë botën. Një person madje ka raportuar djegie kimike dhe ënjtje në këmbë, fytyrë, qafë, kraharor, krahë dhe duar.
Kompania prodhuese, MixBin ka listuar gjithë kasat problematike dhe po i mbledh nga gjithë klientët që zotërojnë një. Kontrolloni në linkun këtu, për të parë nëse një nga kasat tuaja, mund t’ju shkaktojë djegie apo irritim. Gjithsesi është e vështirë të dallosh modele specifike, pasi dizajnet janë shpeshherë të përgjithshme.
