Eni Koçi prej muajsh nuk ka qenë aktive në muzikë dhe padyshim që fansat ia kanë ndjerë mungesën.
Mesa duket periudhës së pauzës do t’i vijë fundi shumë shpejt pasi artistja ka bërë të ditur se do të rikthehet jo me një, por me 3 këngë të reja.
Këtë e ka zbuluar në një bisedë virtuale me ndjekësit e saj, ku është pyetur se kur do të sjellë ndonjë këngë të re.
“Tani jam në përfundim të tri këngëve të reja, besoj e para publikohet muajin tjetër”, është përgjigjur Eni.
Më herët ajo ka realizuar një bisedë virtuale me ndjekësit e saj në InstaStory ku shumë pyetje i janë drejtuar në lidhje me eksperiencën e saj me Covid-19 apo me vaksinimin kundër virusit.
E pyetur nëse e ka kalur koronavirusin, Eni ka treguar se edhe pse ka kaluar një vit nga infektimi, akoma vuan pasojat e tij.
“Po, perpara 1 viti. Por ende vuaj pasojat me shijen dhe nuhatjen (parosmia)”, ka shkruar Eni.
Një tjetër ndjekës i ka drejtuar pyetje në lidhje me eksperiencën e saj të vaksinimit.
“Dozen e pare e mora para pak ditesh. Asnje mundim vetem nje dhimbje shume e lehte e krahut ku u be vaksina…por qe kaloj per 2 dite”, është shprehur artistja.
