Nëse keni dëshirë që të punësoheni në Amerikë, atëherë ka ardhur mundësia e artë. SHBA-të ofrojnë mundësi punësimi sezonal për studentët shqiptarë dhe këtë e bëri të ditur vetë Ambasada amerikane në Tiranë.
Përmes një postimi në Facebook, ambasada fton të gjithë studentët që të aplikojnë pasi është një mundësi e shkëlqyer për të mësuar rreth kulturës amerikane dhe për të punuar njëkohësisht për tre muajt e verës.
“Programi Veror i Punësimit dhe Udhëtimit është një mundësi e shkëlqyer për studentët e universiteteve për të mësuar rreth kulturës amerikane duke jetuar në Shtetet e Bashkuara, duke punuar me kohë të pjesshme dhe duke udhëtuar përreth Shteteve të Bashkuara për tre muaj. Sigurisht, kur programi mbaron, ju duhet të ktheheni në Shqipëri që të përfundoni universitetin”, shkruhet në postimin e amabasadës.
