“Bukuria e një femre nuk varet nga veshjet që mban, nga format e trupit, apo nga mënyra se si lyhet e rregullohet. Bukuria e një femre buron nga sytë, sepse ata janë porta e zemrës, vendi ku qëndron dashuria e vërtetë.
Bukuria e vërtetë e një femre është e reflektuar në shpirtin e saj dhe rritet me kalimin e viteve”. Kështu do të shprehej Audrey Hepburn për femrat dhe duhet ta pranojmë, edhe pse ka shumë femra të mrekullueshme në botë, shumë prej tyre ndihen të vetmuara.
Pse ndodh kështu? Nuk mund të flasim dot për të gjitha femrat në botë, por shumica prej tyre ndihen të lodhura. Të lodhura për gjithë lidhjet dhe miqësitë mediokre.
Këto janë karakteristikat e një femre të paharrueshme:
1. Mirësjellja
Kudo, kudo ku ajo shkon, tregon mirësjellje. Nuk ka rëndësi se sa herë do të injorohen vëmendja, bujaria dhe zemërgjerësia e saj, ajo nuk do të ndryshojë kurrë.
2. Pavarësia
Nëse një femër ka gjetur personin e duhur, me shumë mundësi ka rënë në dashuri me natyrën e tij të pavarur. Ato zgjedhin partnerë si vetja, pasi edhe vetë e pëlqejnë pavarësinë.
3. Mungesa e interesit
Një femër e paharrueshme jep gjithmonë më tepër nga sa merr. Nuk i vendos asnjëherë nevojat e veta mbi ato të të tjerëve. Përpiqet ta bëjë këtë botë një vend më të mirë.
4. Mirënjohja
Femrat e paharrueshme tregojnë përherë mirënjohje. Ke parë ndonjëherë ndonjë dokumentar mbi Jacqueline Kennedy apo princeshë Dianën? Ato ishin mishërimi i elegancës dhe mirënjohjes.
5. Pasioni
Është për t’u admiruar entuziazmi që ato kanë për të bërë gjërat që pëlqejnë. Është pikërisht ky pasion që i shtyn ato të arrijnë edhe objektivat që i vendosin vetes.
