Nëse edhe ti i ke urryer ndryshimet e reja në Instagram që janë më shumë të orientuara drejt videove të të panjohurve që e bëjnë më të ngjashëm me Tik-Tok, atëherë mirë se erdhe në grup, së bashku me gjysmën tjetër të botës.
Në rrjet prej kohësh ka nisur një revoltë lidhur me këto ndryshime ku edhe personazhe si motrat Kardashian, që janë figura të cilat kanë ndikuar fuqishëm në rritjen e popullaritetit të kësaj platforme, janë shprehur se Instagrami i ri në fakt “ta shpif”. Kjo për vetë faktin se rrjeti social po zhduk avash-avash postimet e njerëzve që ne ndjekim, postimet e personave tanë të afërt, për t’i dhënë prioritet atyre që algoritmi famëkeq të sugjeron që të ndjekësh, sepse hyjnë në lojë përfitimet, illuminati, masonët bla bla bla… Dhe të themi të drejtën, është disi acaruese, sepse fundja do doja më shumë të shihja fotot e maces së shokut tim sesa një të panjohur që kërcen para pasqyrës: ka aplikacione të tjera për këtë të fundit, apo jo?!
Por pavarësisht kësaj revolte, gjërat duket se nuk kanë ndërmend të ndryshojnë. CEO i Instagram Adam Mosseri, ka konfirmuar se fatkeqësisht, platforma do të vijojë të jetë më shumë e orientuar drejt formatit video, çka duket se po i shkëput dalë ngadalë njërëzit nga ajo që dikur ishte thelbi i rrjeteve sociale: afrimi i njerëzve përmes teknologjisë duke zhdukur distancat.
Por me ndryshimet e reja, përdoruesit e këtyre platformave duket se po harrojnë ata që kanë rrotull, duke u orientuar gjithnjë e më tepër në mënyrë apatike drejt këtyre formateve të shkurtra e të shpejta, të krijuara nga njerëz të panjohur që përgjithësisht u mungon esenca, por kanë aftësinë të krijojnë një lloj varësie të frikshme. Ndaj nuk është aspak për t’u habitur sesi brezat e rinj kanë mungesë të theksuar vëmendjeje e përqëndrimi dhe nuk kanë miqësi të vërteta që zgjasin në kohë. Kohë të vështira apo jo?!
Kjo është pikërisht arsyeja përse Snapfood po mundohet të rikthejë në prioritet atë që quhet komunitet. Në hapësirën sociale të aplikacionit, ti ke mundësi të komunikosh me miqtë e tu të afërt, me familjarët, me fqinjët apo edhe ata personat që ndodhen pranë teje gjeografikisht por s’ke mundur dot kurrë të komunikosh drejtpërdrejt.
Mund të postosh SnapStory për të ndarë me të tjerët ditën tënde dhe të shohësh postimet e miqve pa u bezdisur nga të panjohur nëse dëshiron të ruash privatësinë, ose të eksplorosh njohje të reja duke i bërë postimet pubike për këdo që ndodhet në të njëjtin qytet me ty. Gjithçka është në dorën tënde, por thelbi është po ai: komuniteti.
