Dea Mishel, Kiara Tito dhe Olta Gixhari deri tani kanë qenë të “favorizuara” dhe iu është dhënë mundësia të nxjerrin në nominim tre banorë.
“Të zgjedhurit” e Deas ishin Luizi, Kiara dhe Efi, ku kjo e fundit disa javë më parë la shtëpinë e “BBV”. Më pas mundësia iu dha Kiarës e cila u duk se i riktheu “nderin” Deas, duke vendosur atë së bashku me shoqet e saj Oltën dhe Tean përballë njëra-tjetrës.
Në këtë “përballje” ishte Tea ajo që u largua. Prime-n e shkuar kjo “mundësi e artë” iu dha Oltës e cila u shpall fituese e lojës me litar.
Olta ka nxjerrë në televotim Luizin, Kiarën dhe Bledin.
Do na duhet të presim të martën për të parë cili do të lërë shtëpinë.
Së fundmi Luizi ka shprehur “dëshirën” për të patur të njëjtën mundësi. Në një bisedë me Beatin, artisti nga Shkodra ka treguar edhe emrat që do të nominonte.
Ai është shprehur se do të dërgonte në nominim Oltën, Armaldon dhe veten. Mirëpo diçka e tillë nuk është e mundur, pasi banorët nuk mund të nominojnë veten.
Mirëpo Oltën dhe Armaldon mund t’i dërgojë. Do të na duhet të presim “radhën” e Luizit nëse do t’i jepet kjo mundësi për të parë se kë do të dërgojë në nominim.
Nga ana tjetër edhe ditën e sotme Luizi është përlotur i vetmuar në oborrin e shtëpisë. Luizi ka deklaruar shpesh se nuk do t’i rrëfejë emocionet dhe jetën personale dhe ai nuk është shprehur se çfarë e mundon. Gjithsesi, në një bisedë me Valbonën pak ditë më parë tha se e ka marrë malli për të ëmën.
Ajo jeton në SHBA dhe që kur ka hyrë në BBVA Luizi nuk ka marrë asnjë mesazh prej nënës e cila ka edhe probleme shëndetësore.
Fansa të tjerë spekulojnë se shpërthimet e tij emocionale lidhet me presionin dhe rëndesën e madhe në format.
Ende asnjë surprizë nuk është bërë për Luizin brenda shtëpisë së ‘Big Brother VIP Albania’. Mbetet të shohim mos vëllai i madh bëhet zemër mirë dhe i lejon Luit një takim apo telefonatë me të afërmit e zemrës.
