Gjatë fundjavës motrat Kardashian-Jenner shijuan një mbrëmje shumë të veçantë me njëra-tjetrën. Khloe ndau në Instagram disa foto të saj, në të cilat shihej e veshur me një “catsuit” në ngjyrë blu, që i nxirrte në pah format e saj trupore. Ajo mori komplimente të shumta nga ndjekësit e saj, duke përfshirë edhe Tristan Thompson, Evelyn Lozada, Lala Anthony e shumë të tjerë. Por jo të gjithë lanë mesazhe pozitive!
Një ndjekëse i shkroi: “Nëse pasiguria do të ishte njeri”.
Megjithatë ky koment nuk i shpëtoi syrit të Khloe-s dhe ajo i ktheu një përgjigje të mirë ndjekëses.
“Vogëlushe duhet të shikosh veten në pasqyrë. Vetëm njerëzit e pasigurt ulin të tjerët. Po të dërgoj shumë dashuri, shëndet dhe lumturi! Më vjen keq që u lëndove”, ja ktheu Khloe, duke e vrarë komentuesen me pambuk.
Para disa ditësh pas shumë kritikave, Khloe tregoi publikisht se si dukej trupi i saj pa filtra dhe pa ndërhyrje. Gjithahstu ajo rrëfeu se sa e vështirë ka qenë për të që përballet me paragjykimet e njerëzve në lidhje me pamjen e saj të jashtme.
“Kjo jam unë dhe trupi im i paprekur dhe pa filtra. Fotografia që u publikua këtë javë është e bukur. Por si dikush që ka pasur probleme me imazhin e trupit gjithë jetën, kur dikush të bën një foto në ndriçim jo të mirë dhe që nuk e tregon trupin tënd siç është realisht pasi ke punuar fort që të jetë ashtu – dhe më pas ia shpërndan botës – ti ke të drejtën të kërkosh që të mos shpërndahet – pavarësisht se kush je.
Në të vërtetë, presioni, tallja e vazhdueshme dhe paragjykimi për t’u dukur perfekte gjithë jetën dhe për të plotësuar standardet e të tjerëve se si duhet të dukem ka qenë shumë për t’u duruar. ‘Khloe është motra e shëndoshë’. ‘Khloe është motra e shëmtuar’. ‘Babai i saj duhet të jetë tjetër sepse ajo duket shumë ndryshe’. ‘Mënyra e vetme që duhet të ketë humbur peshë është operacioni’”, u shpreh ajo në reagimin e saj.
