Këngëtarja e mirënjohur Adele ka vetëm një “kusht” për të gjithë ata që marrin pjesë në koncertet e saj.
Të pinë sa më shumë alkool. Për disa mund të tingëllojë e çuditshme, për shumë të tjerë jo.
Adele u bëri thirrje fansave të saj që të porosisin shumë pije gjatë koncertit të saj në Las Vegas, duke u thënë atyre se do t’i shijojnë më shumë këngët e saj nëse janë të dehur.
Këngëtarja fituese e “Grammy-t” aktualisht po performon në rezidencën e saj të shumëpritur në Vegas. Ajo i tha audiencës së saj:
“Shkoni dhe porosisni disa pije… sa më të dehur të jeni, aq më mirë iu dukem unë”.
Për ata që do të shijojnë performancën kjo mund të jetë një mënyrë për t’u kënaqur edhe më shumë. Ndërsa, Adele thuhet se nuk pi kurrë pije alkoolike para shfaqjeve të saj.
“Unë përvete kam hequr dorë. Nuk do të isha në gjendje ta bëja shfaqjen dhe as juve nuk do t’ju pëlqente.
Një burim pranë artistes është shprehur më herët:
“Adele e ka rishikuar planin e saj për shfaqjen. Produksioni do të jetë shumë klas, spektakli ka në qendër energjinë dhe vokalin e saj.”
Adele e shtyu të gjithë performancën e saj në Vegas në janar dhe ylli i “Easy On Me” më pas doli në mediat sociale për të shpjeguar vendimin për fansat e saj.
“Më vjen shumë keq, por emisioni im nuk është gati. Gjysma e ekipit tim ka Covid dhe ishte e pamundur të përfundoja shfaqjen.”
Adele gjithashtu rrëfeu se ndihej “e turpëruar” për situatën: “Më falni. Jam shumë e mërzitur dhe me të vërtetë e turpëruar dhe më vjen shumë keq për të gjithë ata që kanë udhëtuar përsëri.”
